29 December 2012

Maa mujhe darr lagta hai...

My body is numb and it seems to shiver...Read this on Beauty wid Brainz...Read on...

Maa mujhe dar lagta hai..bohot dar lagta hai…suraj ki Roshni Aag si lagti hai..Paani ki Boondain bhi Tejaab si lagti hai….Maa Hawa main bhi zahar sa ghula lagta hai…Maa mujhe chhupa le bohot dar lagta hai...

Maa yaad hai wo kaanch ki Gudiya jo Bachpan main tuti thi…Maa kuch aise hi aaj main toot gayi hu…meri galti kuch bhi na thi maa fir bhi khud se ruth gai hu…………Maa bachpan main school teacher ki gandi Nazaro se dar lagta tha…padsos k chacha k Napaak iraadon se dar lagta tha…maa wo nukkat k ladko ki bekhouf baaton se dar lagta hai..or ab Boss k wahshi isharon se dar lagta hai…Maa mujhe chupa le..bohot dar lagta hai ...


Maa tujhe yaad hai tere angan main, chidiya si fudak rahi thi..Maa saans toh le rahi hu...kya zindgi jee paungi??Maa saans toh le rahi hu...kya zindgi jee paungi??maa bohot dar lagta hai mujhe

thokar kha k main zameen par gir padi thi..do boond khoon ki dekh k maa tu bhi ro padi thi…maa tune toh mujhe phoolon ki tarah pala tha..un darindo ka aakhir maine kya bigada tha…kyu wo mujhe is tarah masal k chale gaye…bedard meri rooh ko kuchal k chale gaye…..

Maa tu toh kahti thi apni gudiya ko dulhan banayegi…mere is jeewan ko khushiyo se sajayegi….maa kya wo din zindgi kabhi na layegi?maa kya ab tere gher barat na aayegi?maa khoya hai jo maine kya fir se kabhi na paungi?Maa goorte hain sab alag hi nazaron se…

Maa mujhe un nazaron se chupa le…Aanchal main Chhupa le...maa bohot dar lagta hai mujhe...

2 comments: